(അ ) വിശുദ്ധ  മുറിവുകൾ :- ഹണി ഭാസ്കരൻ 

നീന്തിക്കയറിയ തിരകളിലേക്ക് നോക്കുമ്പോൾ നിലയില്ലാക്കയങ്ങൾ ,പച്ചുമൂടിയ ചതപ്പുകൾ ,കുടഞ്ഞെറിഞ്ഞ ചുഴികൾ . ദൂരെ ,പ്രതീക്ഷ നൽകിയ ഇത്തിരി സൂര്യൻ . കാഴ്ചയറ്റത്ത്  മഴയായി കണ്ണ് നിറച്ചവർ ,വസന്തമായി പൂമണം പടർത്തിയവർ , ശിശിരമായി ഇല പൊഴിചിട്ടവർ , മുറിവായി വരഞ്ഞുകീറിയവർ , മന്ദഹാസമായി അണച്ചുപിടിച്ചവർ , മരമായി  തണലേകിയവർ . അവസ്ഥാന്തരങ്ങളിൽ മഞ്ഞായി പൊതിഞ്ഞതും  മേഘമായി കരറുത്തും വർഷമായി പെയ്തും വേനലായി ഉഷ്ണിപ്പിച്ചും ഇരുട്ടായി  ഭയപെടുത്തിയും നിലാവായി ചിന്തിപ്പിച്ചും യാത്രയിൽ ഒപ്പം  നടന്നവർ ……. 

നിരാസമായി ഇരുൾ മൂടപ്പെട്ടവ ,പ്രണയമായി പ്രകാശവർഷം ചൊരിഞ്ഞവ , സന്ധ്യ പോൽ നിഗൂഢമായവ. ഒരു കണിക പോലും വെറുതെയാവുന്നില്ല . ഓർമകളെല്ലാം പല ജീവിതത്തിന്റെ ,പിന്നെ എന്റെയും വഴിപാടുകളുടെയും ഗന്ധമുണ്ട് . ആ ഗന്ധങ്ങളെല്ലാം ചിറകുകളിൽ പല നിറങ്ങളിൽ പറ്റിയിരിപ്പുണ്ട് . മീതെയാകാശം കൊതിപ്പിക്കുന്നുണ്ട് ..,…