Ormmakkanalukal (Odumbra Struggle History) – Vinu Neeleri

ഓര്‍മ്മക്കനലുകള്‍
(ഒടുമ്പ്രയിലെ കുടികിടപ്പ് സമരചരിത്രം)

വിനു നീലേരി

‘ഓര്‍മക്കനലുകള്‍’ എന്ന വിനു നീലേരിയുടെ ഈ പുസ്തകം കോഴിക്കോട് നഗരത്തോട് ചേര്‍ന്നുകിടക്കുന്ന ഒളവണ്ണ പഞ്ചായത്തിലെ ഒടുമ്പ്രയിലെ കുടികി ടപ്പ് സമരത്തിന്റെ ചരിത്രമാണ് പറയുന്നത്. പ്രക്ഷുബ്ധമായ ആ സമരാനുഭവങ്ങ ളിലൂടെ കടന്നുപോയവര്‍ തന്നെയാണ് ഒടുമ്പ്രയുടെ പോരാട്ടചരിത്രം അവരുടെ തന്നെ സംസാരഭാഷയില്‍ ഇവിടെ പറഞ്ഞുവെയ്ക്കുന്നത്. അവരുടെ ഓര്‍മകളിലൂടെയാണ് തീക്ഷ്ണമായ ആ സമരകാലത്തിന്റെ ചരിത്രം ഈ പുസ്തക ത്തില്‍ അവതരിപ്പിക്കപ്പെടുന്നത്. കമ്മ്യൂണിസ്റ്റ് പ്രസ്ഥാനത്തിന്റെയും അവകാശ പോരാട്ടങ്ങളെയും ത്വാഗപൂര്‍ണമായ അനുഭവങ്ങളെയും രേഖപ്പെടുത്തുന്ന ഈ കൃതി ഒരര്‍ത്ഥത്തില്‍ ഒടുമ്പ്രയുടെ ദേശചരിത്രം തന്നെയാണ്.

കെ.ടി. കുഞ്ഞിക്കണ്ണന്‍
(അവതാരികയില്‍ നിന്ന്)

Brand

Vinu Neeleri

വിനു നീലേരി കോഴിക്കോട് ജില്ലയിലെ ഒളവണ്ണ പഞ്ചായത്തിലെ ഒടുമ്പ്രയില്‍ ജനിച്ചു. അച്ഛന്‍: നീലേരി ഗോപാലന്‍. അമ്മ: വടക്കേടത്ത് കൗസല്യ. സ്‌കൂള്‍ വിദ്യാഭ്യാസ കാലം മുതലേ കവിതകളും കഥകളും എഴുതിത്തുടങ്ങി. വര്‍ഷങ്ങളായി ആകാശവാണിയില്‍ ഹിന്ദിയില്‍ സ്വന്തം കഥകളും കവിതകളും സംപ്രേഷണം ചെയ്തുവരുന്നു. ഇന്ത്യയിലെ ആദ്യത്തെ ഹിന്ദി ഒപ്പനിസ്റ്റ് (ദൂരദര്‍ശനില്‍ സംപ്രേഷണം ചെയ്തു). 2018-ല്‍ പോള്‍ നാഥ് മെമ്മോറിയല്‍ ബെസ്റ്റ് ടീച്ചര്‍ അവാര്‍ഡ്, 2022-ല്‍ ഗുരുപൂജ അവാര്‍ഡ് എന്നിവ ലഭിച്ചു. ആനുകാലിക പ്രസിദ്ധീകരണങ്ങളില്‍ കവിതകളും കഥകളും പ്രസിദ്ധീകരിക്കുന്നുണ്ട്. 'തിരകള്‍' ആദ്യ മലയാളകവിതാ സമാഹാരം. മുപ്പത് വര്‍ഷത്തെ അധ്യാപനജീവിതം. (15 വര്‍ഷം പ്രിന്‍സിപ്പലായി സേവനമനുഷ്ഠിച്ചു.) 2023-ല്‍ പ്രിന്‍സിപ്പലായി സര്‍വീസില്‍ നിന്നും വിരമിച്ചു. വിലാസം: 'സ്വരാര്‍ണ്ണവം' ഒടുമ്പ്ര പി.ഒ. ഒളവണ്ണ കോഴിക്കോട് പിന്‍ - 673 019