- Empty cart.
- Continue Shopping
BATHAYILEKKULLA VAZHI
Brand:Rafeeque Panniyankara
₹110.00
ബത്ഹയിലേക്കുള്ള വഴി
(കഥകള്‍)
റഫീഖ് പന്നിയങ്കര
പേജ്: 120
പ്രവാസജീവിതത്തില്‍നിന്നും മലയാളിയുടെ നിത്യാനുഭവങ്ങളില്‍ നിന്നും അടര്‍ത്തിയെടുത്ത ജീവിതഗന്ധിയായ 19 കഥകള്‍. അവതരണത്തിലെ മൗലികതയാണ് ഈ സമാഹാരത്തെ ശ്രദ്ധേയമാക്കുന്നത്. പല കഥകളും പരീക്ഷണോന്മുഖത പ്രദര്‍ശിപ്പിക്കുന്നവയാണ്. വൈവിധ്യങ്ങളാണ് ഇവയുടെ മറ്റൊരു പ്രത്യേകത. ബത്ഹയിലേക്കുള്ള വഴി എന്ന കഥ വഞ്ചനയുടെ പുതിയ ഇരകളെ കാണിച്ചു തരുമ്പോള്‍ ബെന്നിച്ചന്റെ സുവിശേഷം എന്ന കഥ വിചിത്രമനുഷ്യന്റെ ഭ്രാന്തന്‍ചിന്തകളെ വായനക്കാരന്റെ മനസ്സിലേക്കാഞ്ഞെറിയുന്നു. മലയാള കഥയിലെ ഭാവുകത്വപരിണാമത്തെ അടയാളപ്പെടുത്തുന്ന രചന.
Add to cart
Buy Now
ഓനൊരു കഥയില്ലാത്തോനാ…
എന്നെക്കുറിച്ച് പണ്ട് ചിലരങ്ങനെ പറഞ്ഞിട്ടുണ്ട്. ഞാന്‍ കേള്‍ക്കാതെ ഇന്നും അങ്ങനെ പറയുന്നവരുണ്ടാകാം.
ഓ… ഓന്റൊരു കഥ എയ്ത്ത്.
പിന്നീട്, കഥയെഴുതുന്നവനെന്ന് ചിലര് പറഞ്ഞപ്പോള്‍ പലരുടെയും കമന്റ്.
എല്ലാവര്‍ക്കും ഇഷ്ടമാവുന്നൊരു കഥയെഴുതാന്‍ എന്നാണെനി ക്കാവുക. അങ്ങനെയൊരു കഥയാണെന്റെ സ്വപ്നം. ഇരുപതാം വയസ്സില്‍ ആദ്യരചന അച്ചടിമഷിയുടെ പകിട്ടില്‍ വായിച്ച സന്തോഷം തന്നെയാണ് പുതിയതൊന്ന് പിറക്കുമ്പോഴും.
ആ സന്തോഷത്തിനായി പിന്നെയും പിന്നെയും എഴുതിക്കൊ ണ്ടേയിരിക്കുന്നു. പത്ത് വര്‍ഷം മുമ്പാണ് ആദ്യപുസ്തകം പുറത്തിറ ങ്ങുന്നത്. ഇപ്പോഴിതാ ബത്ഹയിലേക്കുള്ള വഴി.
Brand
Rafeeque Panniyankara
റഫീഖ് പന്നിയങ്കര
പള്ളിയാളി കുഞ്ഞലവി, പാറക്കണ്ടി നബീസ ദമ്പതികളുടെ മകനായി കോഴിക്കോട് ജനനം.
ആനുകാലികങ്ങളില്‍ എഴുതുന്നു. 24 വര്‍ഷമായി പ്രവാസിയാണ്. ന്യൂ സഫാമക്ക പോളിക്ലിനിക്കില്‍ (റിയാദ്) ജോലി ചെയ്യുന്നു.
2009 മുതല്‍ ബ്ലോഗര്‍ (www.muttayitheru.blogspot.com)
പുസ്തകം: നഗരക്കൊയ്ത്ത് (കഥകള്‍), കടല്‍ദൂരം (കവിതകള്‍)
റിയാദില്‍ നിന്നും ചെരാത് സാഹിത്യ വേദി പുറത്തിറക്കുന്ന 'ഇല' ഇന്‍ലന്‍ഡ് മാസികയുടെ പത്രാധിപ സമിതി അംഗം.
തിരുവനന്തപുരം ശ്രീലയം കലാവേദിയുടെ മിനിക്കഥാസമ്മാനം (2003), ദുബായ് കൈരളി കലാകേന്ദ്രം ചെറുകഥാസമ്മാനം (2004), ഷാര്‍ജ തനിമ കലാവേദി മിനിക്കഥാസമ്മാനം (2005), കവി പി.ടി. അബ്ദുറഹ്മാന്‍ സ്മാരക കവിതാസമ്മാനം (2008), കേളി കടമ്മനിട്ട രാമകൃഷ്ണന്‍ കവിതാസമ്മാനം (2008), ഫെയ്‌സ്ബുക്ക് വാസ്തവം ഗ്രൂപ്പിന്റെ കവിതാസമ്മാനം (2013), പുരോഗമന കലാസാഹിത്യ സംഘം കഥാസമ്മാനം (പാലക്കാട് സംസ്ഥാന സമ്മേളനം 2013), കെ.എം.സി.സി റിയാദ് സെന്‍ട്രല്‍ കമ്മിറ്റി മെഗാ ഇവന്റ് കവിതാസമ്മാനം (2014), ഷാര്‍ജ അക്ഷരം കഥാസമ്മാനം (2014), അബുദാബി മലയാളി സമാജം കവിതാസമ്മാനം (2014), നവയുഗം സഖാവ് കെ.സി. പിള്ള സ്മാരക കഥാസമ്മാനം (2015), പുരോഗമന കലാസാഹിത്യ സംഘം കഥാസമ്മാനം (കോഴിക്കോട് ജില്ലാ സമ്മേളനം 2016), റിയാദ് പയ്യന്നൂര്‍ സൗഹൃദവേദി കെ.എസ്. രാജന്‍ സ്മാരക സാഹിത്യ പുരസ്‌കാരം (2017), സാഹിത്യ പ്രവര്‍ത്തനങ്ങള്‍ക്ക് ചാരിറ്റി ഓഫ് പ്രവാസി മലയാളി റിയാദിന്റെ ശ്രുതിലയം സ്‌നേഹസമ്മാനം (2019) എന്നിവ ലഭിച്ചിട്ടുണ്ട്.
ഭാര്യ നാലകത്ത് സുലൈഖ (സുലു)
മക്കള്‍: റഫ്‌സില, മുഹ്‌സിന, ഫര്‍ഹാന്‍
മരുമകന്‍ : ജംഷീഖ്
ചെറുമകള്‍ : ജന്ന സയാന
വിലാസം:
റഫീഖ് പന്നിയങ്കര
'റഫ്‌സിലാസ്'
മാത്തറ, കോഴിക്കോട് - 673014.
Mobile : 0091 8086 195 695
e-mail : panniyankara@gmail.com
facebook : www.facebook.com/rafeeqpanniyankara
Reviews
There are no reviews yet.