പകലവസാനിക്കുന്നിടം

ശ്രുതി മേലത്ത്

സങ്കീർണ്ണമായ മനുഷ്യപ്രകൃതങ്ങളോ കഥാസന്ദർഭങ്ങളോ ഈ കഥകളിൽ നമുക്ക് കാണാൻ കഴിയില്ല. പൊതുവെ പ്രകാശമാനമായവയാണ് കഥാന്തരീക്ഷങ്ങൾ – ഒരു വെളുത്ത കടലാസിൽ നീല മഷി കൊണ്ടെഴുതിയ ചിരപരിചിതമായ ജീവിത സന്ദർഭങ്ങൾ ആണ് അവിടെ കാത്തിരിക്കുന്നത്. എങ്കിലും കാരുണ്യത്തിന്റെ ഒരു നദി മുറിച്ചുകടക്കൽ കൂടിയാണ്. എഴുത്ത് പല തലമുറകൾ കടന്നുവരുന്ന കാറ്റാണ്. അതിൽ മന്ദമാരുതനും കൊടുങ്കാറ്റുമൊക്കെ കാണും. തീർച്ചയായും ഈ കഥകൾ മനുഷ്യഹൃദയത്തെ തൊട്ടുണർത്തുന്ന മന്ദമാരുതനാണ്. മനുഷ്യനെ സ്നേഹത്തിലേക്ക് അത് ക്ഷണിക്കുന്നു. കാരുണ്യത്തിലേക്ക് അത് നയിക്കുന്നു.

ശിഹാബുദ്ദീൻ പൊയ്ത്തുകടവ്